Ауырғазылар спорттың милли төрҙәре буйынса 28-се фестивалдә уңышлы сығыш яһаны

Ауырғазылар милли спорт төрҙәре буйынса 28-се фестивалдә уңышлы сығыш яһаны

Өфөлә милли спорт төрҙәре буйынса XXVIII Республика фестивале үтте. Рима Баталова исемендәге спорт әҙерлеге үҙәгендә Башҡортостандың 14 муниципаль районынан һәм 5 ҡалаһынан спортсылар йыйылды. Сара «Демография» милли проектының «Спорт — тормош нормаһы»федераль проектына ярашлы уҙғарылды. Ҡатнашыусылар дүрт дисциплинала оҫталыҡ һәм көс күрһәтте:

- көрәш

- армрестлинг

-гер спорты

- мас-рестлинг.

Ауырғазы районы командаһы армрестлинг буйынса өсөнсө урын алды. Уға талбазыларҙан Айҙар Богданов, Руслан Солтанов, Айҙар Баҡыев, Эмиль Аҡбашев, Артемий Кәримов, Евгений Солтанғәлиев, Рәмилә Бикташева (Сәмән ауылы) инә.

Икенсе урын өсөн кубокты мас-рестлинг буйынса команда яуланы. Уның составында: Айҙар Богданов, Евгений Солтанғәлиев (шәхси зачеттарҙа 3-сө урын өсөн миҙал), Сәмән ауылынан Людмила Рәхимова (шәхси зачетта 2-се урын), Рәмилә Бикташева (шәхси зачетта 2-се урын).

Бынан тыш, беҙҙең команда административ үҙәге ауыл биләмәһе булған муниципаль райондар араһында дөйөм команда зачетында өсөнсө урын яуланы.

Көрәшселәр ҙә наградалар менән ҡайтты. Төрөмбәттән Рузил Ғөбәйҙуллин һәм Филғәт Назаров үҙ ауырлыҡ категорияларында бронза призерҙар булды.

Айҙар Богданов, активист, йәш көрәшселәр тренеры: - Беҙ бер көндә йыйылдыҡ. Был эштә беҙҙең "Талбазыларҙың көслө кешеләре" мессенджеры ярҙам итте, мин уны спорт һәм сәләмәт, әүҙем тормош алып барыусыларҙы йыйыу өсөн булдырғайным. Яуап биргәндәрҙең барыһына ла рәхмәт. Беҙ был фестивалдә беренсе тапҡыр ҡатнаштыҡ һәм район намыҫы өсөн лайыҡлы көрәшеүебеҙ менән ғорурланабыҙ. Конкуренция бик юғары булды. Сара бөтә яҡлап яҡшы ойошторолған. Балалар-йәшүҫмерҙәр мәктәбе директоры Антон Юлдашевҡа мәктәптең спорт залында күнекмәләр үткәреү мөмкинлеге өсөн рәхмәт белдерәбеҙ, был бигерәк тә йәш спортсылар өсөн мөһим.

А.Богданов.

Башҡортостан башлығы Радий Хәбиров һүҙҙәренсә, спорт һәм уға бәйле бөтә нәмә - ул республиканың дәүләт сәйәсәтенең мөһим йүнәлеше. Ҙур спорт сараларын йәлеп итеү бурысы - беҙҙең дәүләт бурысы. Башҡортостанда ҙур спорт саралары күбәйә бара. Улар һәр ваҡыт иҫ киткес һөҙөмтәгә эйә. Меңәрләгән бала, спортсыларҙы ҡарағандан һуң, спорт залдарына бара. Тормош ауырлыҡтарына ҡарамаҫтан, һәр кем спорт менән шөғөлләнә ала. Шулай уҡ был спорт инфраструктураһын даими үҫтереүгә ҙур этәргес булып тора.