Уҡсыларыбыҙҙың тағы бер еңеүе

Күрше республиканың Алабуға ҡалаһында ll Бөтә Рәсәй турниры үтте.  «Туған Батыр» традицион уҡтан атыу ярышы илдең төрлө мөйөштәренән спортсыларҙы йыйҙы. Үҙҙәренең йәш категорияларында Фәһим менән Батырхан Ғайсиндар беренсе урын яулап, алтынға лайыҡ булды.

Алдағы көндә Көйөргәҙе районында Кинйә-Абыҙ ауылында хәрби начальник һәм башҡорт старшинаһы Кинйә Арыҫлановтың 300 йыллыҡ юбилейына арналған асыҡ турнирҙа Батырхан «Балалар» категорияһында еңгәйне.

Районға төрлө өлкәлә дан килтереүсе, ныҡышмал, маҡсатҡа ынтылыусы Ғайсиндар ғаиләһенә афарин! Артабан да һәр яҡлап та уңыштар оҙатып барһын!