Ауырғазы районында «Бергәләп Еңеүгә» тигән сара үтте

МХО-ла ҡатнашыусылар һәм уларҙың ғаиләләре өсөн махсус майҙансыҡтар эшләне: юристарҙан консультация алырға, эшкә урынлашыуҙа ярҙам алырға мөмкин булды.

Үҙәк район дауаханаһы хеҙмәткәрҙәре шунда уҡ һорауҙарға яуап бирҙе, теләүселәрҙең ҡан баҫымын үлсәне.

 Почетлы ҡунаҡтар: «Ватанды һаҡлаусылар» фонды филиалы етәксеһе Гөлнур Ҡолһарина, дүрт тапҡыр паралимпия чемпионы Ирек Зарипов һәм хәрби хәрәкәттәр ветераны, МХО-ла ҡатнашыусы, республиканың Йәштәр хөкүмәте йәштәр һәм спорт министры Олег Мөфтәхетдинов айырым атмосфера тыуҙырҙы.

Ә һуңынан барыһы ла «Бергәләп Еңеүгә» концертын ҡараны. Башҡортостандың атҡаҙанған артисы Салауат Мөхәмәдийәров, урындағы таланттар: Тамерлан Рамазанов, Николай Кулагин, Роберт Нафиҡов, "Селяночка" һәм "Наследие" ансамблдәре, "Созвездие" хореография коллективы сығыштарын залда тамашасылар көслө алҡыштарға күмде.

 Бындай мәлдәрҙә айырыуса асыҡ күрһәтә - беҙ бергә, һәм был беҙҙең көсөбөҙ.

Ауырғазы районында Шайморатов исемендәге ирекмәндәр штабы райондың төп ярҙам урынына әүерелде: төрлө йәштәге ирекмәндәр яугирҙарға кәрәкле бөтә нәмәне йыйып ебәрә. Райондан 30- ға яҡын гуманитар колонна 500 тоннаға яҡын йөк алып китте: техника, ҡорамалдар, маскировка селтәрҙәре, медикаменттар, аҙыҡ-түлек...

Һәм был һандар түгел - көн һайын дөйөм эш башҡарған йөҙҙәрсә кешенең хеҙмәте, йөрәк йылыһы. Фронт һәм тыл берҙәмлеге еңеүҙе яҡынайта.