Ғаилә түләүҙәре күләме нисек билдәләнә?

2026 йылда бирелгән ғаризалар буйынса ғаиләнең 2025 йылдағы килеме иҫәпкә алына.

Түләү күләме индивидуаль һәм үткән йылдағы НДФЛ түләүенә һәм шул уҡ килемдән 6 процент ставкаһы буйынса иҫәпләнгән суммаға бәйле.

Түләүҙе иҫәпләү миҫалы:

Әсәйгә былтыр 600 мең һум килем суммаһынан 78 мең һум күләмендә НДФЛ түләнгән. НДФЛ-ды 6 процент ставкаһы буйынса иҫәпләйҙәр һәм 36 мең һум килеп сыға. Ғаиләнең килемен һәм мөлкәтен комплекслы баһалағанда, әсә кеше 42 мең һум (78 мең - 36 мең = 42 мең) аҡса аласаҡ.

Тәғәйенләнештең төп шарттары:

ғариза биреүсенең иҫәп-хисап осоронда физик шәхестәрҙең килеменә һалым түләнгән килемдәре булыуы;

ғаиләлә 18 йәшкә тиклемге йәки көндөҙгө бүлектә уҡыған 23 йәшкә тиклемге 2 бала тәрбиәләнә;

йән башына уртаса килем йәшәү минимумынан (республикала 23 673 һум) бер ярым тапҡырға артмай;

ғариза биреүсе алимент буйынса бурыслы түгел
ата-әсәлек хоҡуғынан мәхрүм ителмәгән, уларҙа сикләнмәгән;

түләү тәғәйенләүгә ғариза 1 июндән 1 октябргә тиклем бирелгән.

Мохтажлыҡты баһалағанда иҫәпкә алынасаҡ мөлкәт исемлеге һәм тәғәйенләүҙең тулы шарттары Рәсәй социаль фонды сайтында урынлаштырылған: sfr.gov.ru/grazhdanam...

Түләү илдә даими йәшәгән Һәм уның һалым резиденттары булған Рәсәй граждандарына тәғәйенләнгән.

8 800 100-00-01 (шылтыратыу бушлай)

#ОСФРРБ #СФР #семейнаявыплата