Өфө вуз-ара кампусы резиденты – Киберспорт милли лигаһы лидеры

Сириуста Киберспорт милли студенттар лигаһының дүртенсе миҙгеленең финал этабы тамамланды. Илдең иң көслө студенттар составы, сираттағы тапҡыр еңеүсе исеме һәм 1 000 000 һумлыҡ приз фонды өсөн көс һынашыу өсөн, Ҡара диңгеҙ буйына килә. Евразия НОЦ - юғары уҡыу йорттары араһындағы студенттар кампусы, Өфө фән һәм технологиялар университеты резиденты командаһы өсөнсө тапҡыр Counter-Strike 2 буйынса Киберспорт милли студенттар лигаһы чемпионы була.

Сара «АССК ФЕСТ» IX Бөтә Рәсәй студент спорты фестивале ҡыҫаларында үтте.

Фестивалдә ҡатнашыусыларҙың бөтә иғтибары көндөң төп геройҙарына - А.Н. Туполев исемендәге Ҡазан милли тикшеренеү техник университетының һәм Өфө фән һәм технологиялар университеты (Өфө) йыйылма командаларына йүнәлтелә. Мартта НСЛКС Суперкубогын яулаған Өфө студенттары 13:3 иҫәбе менән ике картаны ала һәм өсөнсө тапҡыр рәттән Counter-Strike 2 буйынса Киберспорт милли студенттар лигаһы еңеүселәре була һәм илдең иң көслө студенттар йыйылма командаһы исемен нығыта.

Үҙенең студенттары уңышына Өфө фән һәм технологиялар университеты ректоры Вадим Захаров баһа бирҙе:

- Спортта лидер булыу һәм чемпион титулын күп тапҡыр раҫлау бик еңел түгел. Был ҙур ихтыяр көсөн, эшһөйәрлекте һәм дисциплинаны талап итә. Киберспорт өлкәһендә бындай эш Өфө университетында һигеҙ йыл дауамында төҙөлә, шуға күрә хәҙер командала ҡатнашыусыларҙың һәм тренерҙар составының берлектәге эшенең лайыҡлы емештәрен күрәбеҙ. Был еңеү трофей ғына түгел, ә заманса белем биреү программалары, цифрлы технологиялар индереү һәм

Башҡортостандың Фән һәм юғары белем биреү буйынса дәүләт комитеты рәйесе Светлана Мостафина, Башҡортостанда компьютер спорты спорт, фән һәм мәғариф өсөн мөһим үҫеш нөктәһенә әүерелә, тип билдәләне:

- Республикабыҙ студенттарының киберспорт буйынса милли чемпионатта юғары оҫталыҡ күрһәтеүе менән ғорурланабыҙ. Уларҙың ныҡышмалылығы, команда эше һәм камиллашыуға ынтылышы бөтә илдең йәш быуыны өсөн өлгө булып тора. Был еңеү мәғариф һәм технологияларҙың ҡулға-ҡул тотоношоп барыуын, иртәгә иҡтисадты һәм инновация мәҙәниәтен алға этәрәсәк күнекмәләрҙе үҫтереү өсөн яңы мөмкинлектәр асыуын күрһәтә.

Өфө университеты студенттары тренер етәкселегендә «еңеү фәне» системалы ҡараш, стратегик фекерләү, аналитика, реакция тиҙлеге һәм команда эше икәнлеген иҫбатланы.