Радий Хәбиров МХО-ла һәләк булғандарҙың ғаиләләре менән осрашты

Төбәк етәксеһе һәләк булған хәрбиҙәрҙең ата-әсәләренә һәм ҡатындарына ысын күңелдән ҡайғы уртаҡлашыуын белдерҙе һәм уларға генерал Шайморатов ордендарын тапшырҙы.

- Егеттәр үҙ ғүмерҙәрен Тыуған ил өсөн бирҙе. Уларҙың һәр береһе үҙ бурысын аҙағына тиклем үтәне. Улар-ысын геройҙар, - тине республика Башлығы. - Улдарығыҙ өсөн ҙур рәхмәт. Беҙҙең төп бурыс – уларҙы иҫтә тотоу, уларҙың хәтерен мәңгеләштереү, даими хәстәрлек күрһәтеү, ата-әсәләрҙең, ҡатындарҙың һәм балаларҙың иғтибарын йәлеп итеү. Махсус хәрби операция тамамланғас, беҙ мотлаҡ Өфөлә яугирҙарыбыҙ хөрмәтенә мемориал ҡуясаҡбыҙ. Хәтер аллеялары бөтә муниципалитеттарҙа ла барлыҡҡа киләсәк. Беләм, бындай эш бара инде.

Радий Хәбиров төбәктә МХО-ла ҡатнашыусыларҙың ғаиләләренә ярҙам сараларының киң комплексы ғәмәлдә булыуын һыҙыҡ өҫтөнә алды. Республика башлығы һәләк булған яугирҙарҙың балаларының нисек уҡыуы менән ҡыҙыҡһынды, уларҙың уҡыу йорттарына ингәндә льготалары булыуын билдәләне.

Нефтекама хакимиәте башлығы Эльдар Вәлидов аңлатыуынса, һәр ғаиләгә муниципалитет хеҙмәткәрҙәре араһынан координатор беркетелгән. Республика башлығы «Ватанды һаҡлаусылар» дәүләт фондының социаль координаторы вазифаһына кандидатты тиҙ арала һайлап алырға ҡушты. 

Яугирҙарҙың туғандары Радий Хәбировҡа уларҙың ихтыяждарына иғтибар иткәне һәм һорау алыуҙарҙа ҡатнашҡаны өсөн рәхмәт белдерҙе. Шулай уҡ улар Радий Хәбировтың урындағы власть органдарына йөкләмәләр биргән шәхси һорауҙары менән мөрәжәғәт итте.

Сығанаҡ: сайт главы РБ.