МХО ветерандары Өфө кампусында һөнәри оҫталыҡ буйынса ярышасаҡ

Донъя кимәлендәге Евразия НОЦ - юғары уҡыу йорттары араһындағы студенттар кампусының Геном үҙәгендә «Икенсе старт» номинацияһында «һөнәре буйынса иң яҡшы» Бөтә Рәсәй һөнәри оҫталыҡ конкурсының төбәк этабы үтә.

Был номинация ветерандарға һәм махсус хәрби операцияла ҡатнашыусыларға ярҙам итеү өсөн булдырыла, был уларға профессиональ эшмәкәрлеккә кире ҡайтырға, үҙ оҫталыҡтарын өҫтәмә баһаларға һәм квалификацияһын күтәрергә мөмкинлек бирә. Конкурс теоретик һәм практик һынауҙарҙы үҙ эсенә ала, улар көндөҙгө һәм дистанцион форматтарҙа үткәрелә. Ҡатнашыусылар үҙҙәренең белемен генә түгел, ә уларҙы реаль профессиональ ситуацияларҙа ҡулланыу һәләтен дә күрһәтергә тейеш.

Төбәк этабында еңеүсе октябрь башында Һамар өлкәһендә үтәсәк конкурстың федераль этабында Башҡортостан исеменән сығыш яһау мөмкинлегенә эйә буласаҡ. Финал йомғаҡтары буйынса аҡсалата бүләктәр алыусылар билдәләнәсәк: беренсе урын өсөн-1 миллион һум, икенсе урын өсөн-500 мең һум һәм өсөнсө урын өсөн 300 мең һум

Белешмә.

Рәсәйҙә заманса кампустар селтәрен булдырыу Президент Владимир Путин ҡушыуы буйынса тормошҡа ашырыла. 2030 йылға илдә 25 кампус асыу планлаштырыла, ә 2036 йылға уларҙың һаны 40-ҡа тиклем артасаҡ. Башҡортостанда бындай кампустар булдырыу буйынса федераль проект тормошҡа ашырыла, һәм Евразия фәнни-белем биреү үҙәгенең вуз-ара студенттар кампусының беренсе сираты 2024 йылдың февралендә асыла.

Сығанаҡ: https://pravitelstvorb.ru