Еңеү көнөн Өфөнөң тарихи мультимедиа паркында билдәләйҙәр

Был көндө мультимедиа тарихи парктарында концерттар, театр постановкалары, лекциялар, кино күрһәтеүҙәр, реконструкциялар һәм патриотик акциялар планлаштырылған.

Өфөлә «Рәсәй – минең тарихым» мультимедиа тарихи паркында 9 майҙа бушлай 20 минутлыҡ экскурсиялар һәм патриотик фильмдар күрһәтеү ойошторола: 12:00 һәм 14: 00 сәғәттәрҙә «Бөйөк Ватан һуғышы» экскурсияһы (йәш сикләүҙәре юҡ, 0+), 13:00 һәм 15:00 сәғәттәрҙә «Сталинград һуғышы» экскурсияһы (0+), 12:30, 13:30, 14:30 һәм 15:30 сәғәттә «Бөйөк Еңеү йондоҙҙары» фильмын (6+) күрһәтеү планлаштырыла, ә 13: 00 сәғәттә Интернет үҫеш институты ярҙамында (12 йәштән өлкән тамашасыларға) төшөрөлгән «Бер Таня ҡалды» мини – сериалын күрһәтеү планлаштырыла.

Бөтә Рәсәй буйынса 26 мультимедиа паркында Еңеү көнөнә арналған ҙур программа ла йәйелдереләсәк. Байрамдың үҙәк майҙансығы булып ВДНХ–ның 57-се павильонындағы «Рәсәй-минең тарихым» тарихи паркы торасаҡ.

Билдәләп үтәйек, «Рәсәй – минең тарихым» тарихи парктары - Рәсәйҙә боронғо замандан хәҙерге заманға тиклемге ил тарихына арналған масштаблы мультимедиа экспозиция комплексы. Проект Рәсәй президенты Владимир Путин ҡушыуы буйынса һәм мәғариф министрлығы ярҙамында тормошҡа ашырыла.