«Финист» Өфөнән Белоретҡа тиклем алты сәғәт урынына дүрт сәғәттә алып барасаҡ

Тимер юлдан пассажирҙар ташыу уңайлыраҡ һәм тиҙерәк була бара. Башҡортостан башлығы Радий Хәбировтың ярҙамы менән республикаға ике «Финист» поезы килде. Был составтар төрлө электр тогы менән эшләй ала һәм сәғәтенә йөҙ алтмыш километр тиҙлек үҫтерә ала.

Өфө – Белорет маршруты буйынса яңы поездар йөрөй башлаясаҡ. Әлеге ваҡытта был юл алты сәғәттән ашыу ваҡыт ала, сөнки Инйәр станцияһында ток даими токтан үҙгәреүсәнгә үҙгәрә. Был станцияла тимер юлсыларға, поезд вагондарын бер-береһенә тоташтырып, маневр эштәрен башҡарырға тура килә.

Яңы составтар бер төр токтан икенсеһенә автоматик рәүештә күсә ала, был юл ваҡытын ҡыҫҡартырға һәм был ҡалалар араһында сәйәхәт итеүҙе күпкә уңайлыраҡ итергә мөмкинлек бирә. Быйыл Башҡортостанда йәшәүселәр Өфөнән Белоретҡа электричкаларҙа дүрт сәғәт эсендә барып етә ала.

Республика халҡын транспорт менән хеҙмәтләндереү сифатын күтәреү буйынса эш дауам итә. Быйыл тағы бер «Финист»поезының килеүе көтөлә.

Автор:

Читайте нас

Новости партнеров