Путин Башҡортостан уҡытыусыһын 100 йәше менән ҡотланы

Пайрамсуло Яныбай ҡыҙы 1926 йылдың 6 апрелендә алты баланың иң өлкәне булып, күп балалы ғаиләлә донъяға килә. Бөйөк Ватан һуғышы башланғанда уға яңы ғына 15 йәш тулған була, атаһы 1941 йылдың сентябрендә фронтҡа китә һәм хәрби хеҙмәттә хәбәрһеҙ юғала. Әсәһе 41 йәштә була. Аслыҡ-туҡлы йәшәһәләр ҙә, бер-береһенә терәк булалар.

Пайрамсуло әсәһенә бәләкәй балаларҙы тәрбиәләргә ярҙам итә, шул уҡ ваҡытта Бирск татар педагогия училищеһында уҡый. Ул баҫыуҙа ла, баҡсала ла, йорт тирәһендә лә эшләне. 1944 йылда Биребаш мәктәбендә башланғыс кластарҙы уҡыта башлай. Һуңыраҡ Урта Азияға күсеп китә, ​​унда хаҡлы ялға сыҡҡансы йәшәй һәм эшләй. Һуңғы эш урыны Үзбәкстандағы башланғыс мәктәптә була. Пайрамсуло Яныбай ҡыҙының педагогик стажы – 44 йыл.

Пайрамсуло Яныбай ҡыҙы ике ул үҫтергән. Бөгөн уның ғорурлығы, шатлығы – ике ейән-ейәнсәре, ете бүләһе, бер бүләсәре.

Сығанаҡ: «Башинформ» мәғлүмәт агентлығы.