Өфө телебашняһы байрам иллюминацияһын ҡабыҙа

Яҡтылыҡ панноһын Рәсәй триколоры рәсеме һәм «18 март - Ҡырымдың Рәсәйгә ҡушылыуы көнө» тигән яҙыу биҙәйәсәк. Байрам сценарийы урындағы ваҡыт менән сәғәт 20:00-нән 22:00 сәғәткә тиклем дауам итәсәк.

Шул уҡ ваҡытта Симферополдәге телебашняла ла байрам яҡтыртыуы барлыҡҡа киләсәк. Медиафасадта ярымутрау һүрәте, шулай уҡ триколор һәм салют эффекттары менән тулыландырылған «Барыһы ла беҙҙән башланды» тигән йүгереүсе юл һүрәтләнә.

Ҡазан, Новосибирск һәм Һамар телебашняларында «Ҡырым - Ул Рәсәй!» яҙыуҙары барлыҡҡа киләсәк.

Тематик яҡтылыҡ шоуҙары шулай уҡ Санкт-Петербург, Екатеринбург, Калининград, Сочи һәм башҡа ҡалаларҙа Рәсәй теле һәм радиотапшырыуҙар селтәренең бейек объекттарында үтәсәк.

Ҡырымдың Рәсәйгә ҡушылыу көнө 2014 йылда Ҡырымдың Рәсәйгә ҡушылыуы менән бәйле.

Хәтерегеҙгә төшөрәбеҙ, 2014 йылдың 18 мартында Ҡырым Республикаһы һәм Севастополь Рәсәй Федерацияһы составына инде.