Башҡортостан Рәсәй студент отрядтары конкурсында ҡатнаша

Башҡортостан Республикаһы исеменән «Волга буйы федераль округы Рәсәй студенттары отряды блогеры» номинацияһында төбәктең үҫмерҙәр хеҙмәт отрядтары етәксеһе Вера Токарева сығыш яһай. Ул һәм округтың тағы 14 вәкиле иң яҡшы исеме өсөн көрәшәсәк. Конкурс 3 этапта уҙғарыла: заявка, һайлап алыу, онлайн-этап. Һайлап алыу этабы йомғаҡтары буйынса иң күп балл йыйған ҡатнашыусылар категория финалисы була. Финалсылар онлайн-этапты ситтән тороп үткәндә заданиелар үтәй, был номинацияла еңеүсе һәм призерҙар билдәләнә.

Параллель рәүештә «РСО-ның төбәк бүлексәһенең Бәйләнештә иң яҡшы берләшмәһе» номинацияһында Башҡортостандың Студенттар отрядтарының пиар-бүлеге етәксеһе Влада Сәйфуллина ҡатнаша. Йәш дизайнерҙар, копирайтерҙар, фотографтар командаһы менән бергә уңышлы үтеү өсөн заданиелар үтәйәсәк. Йомғаҡ Волга буйы федераль округы студенттары отрядтарының XVI Слеты майҙансыҡтарында  яһаласаҡ.

«Пиар-кампания һәм Рәсәй студенттар отрядтарының Башҡортостан төбәк бүлексәһе брендын популярлаштырыу сиктәрендә беҙ һәр конкурсҡа аңлы рәүештә ҡарайбыҙ. «Волга буйы федераль округы блогеры» категорияһында ҡатнашыу өсөн ғариза индивидуаль: беҙҙең финалист ВКонтакте социаль селтәрендә яңы блог булдырҙы һәм үҫмерҙәрҙе һәм йәштәрҙе хеҙмәт эшмәкәрлегенә йәлеп итеү буйынса баҫмалар серияһын әҙерләй. Беҙгә мәктәп эскәмйәһенән хеҙмәттең шәп булыуын күрһәтеү мөһим. «Иң яҡшы берләшмә» номинацияһы пиар-бүлектең бөтә командаһын күрһәтергә һәм яңы кимәлгә сығарырға ярҙам итәсәк. Хәҙер беҙгә студенттар отрядтарын үҫтереү буйынса ведомство-ара координация советы ярҙам итә. Төбәк ведомстволары ярҙамында Рәсәйҙә иң яҡшылар араһында булыу мөмкинлеге лә бар»,- тип уртаҡлаша пиар – бүлек етәксеһе - Башҡортостандың Студенттар отрядтарының матбуғат секретары Влада Сәйфуллина.

Фото Башҡортостан студенттар отрядынан