Рәсәйҙә пособие түләүҙе балаға 3 йәш тулыуға тиклем арттырыуҙары мөмкин

Тәүге пункттарҙың береһе - Рәсәй хөкүмәте 30 мартҡа тиклем баланы ҡарау буйынса айлыҡ түләүҙе өс йәшкә тиклем оҙайтыу мөмкинлеген ҡарарға тейеш. Был йөкләмә Михаил Мишустинға йөкмәтелгән.

Бынан тыш, министрҙар кабинеты балалы ғаиләләр өсөн льготалы ипотека программаһы шарттарын үҙгәртеү буйынса тәҡдимдәр индерергә тейеш. Был башланғыс сиктәрендә 20 йылдан ашыу элек төҙөлгән күп фатирлы йорттарҙа күп балалы ғаиләләр өсөн икенсел баҙарҙа торлаҡ һатып алыу мөмкинлеге ҡараласаҡ. Был тәҡдим яңы төҙөлөш күләме сикләнгән ҡалаларға ҡағыла.

2026 йылдың июленә властар балалы ғаиләләргә социаль ярҙамды яҡшыртыу буйынса башланғыстар әҙерләйәсәк. Ярҙам сараларын, шул иҫәптән бала тыуыу һәм тәрбиәләү өсөн айлыҡ түләүҙәрҙе ҡайтанан ҡарау планлаштырыла. Был ата-әсәләрҙе эшкә урынлашыуға һәм эш табышын арттырыуға этәрергә тейеш.

Был ҡарарҙар 2025 йылда Матбуғат конференцияһында граждандарҙың Владимир Путинға мөрәжәғәттәре йомғаҡтары буйынса ҡабул ителә.