Башҡортостан яугирына Владимир Путин Рәсәй Геройының «Алтын Йондоҙ»он тапшырҙы

Салауат районынан капитан Вәсил Ямалетдинов Рәсәй Федерацияһы Геройы тигән юғары исемгә лайыҡ булды. Был турала республика башлығы Радий Хәбиров социаль селтәрҙәр аша хәбәр итте.

Рәсәй Президенты Владимир Путин уға Ватанды һаҡлаусылар Көнөндә Кремлдә «Алтын Йондоҙ» тапшырҙы.

"Вәсил Камил улы Ямалетдинов Көнсығыш хәрби округының 5-се дөйөм ғәскәр армияһы 60-сы айырым мотоуҡсылар бригадаһы мотоуҡсылар батальоны ротаһы командиры. Уҙған йылдың декабрендә капитан Ямалетдинов етәкселегендәге рота тәүгеләрҙән булып Гуляйполегә инә. Яҡташыбыҙ менән ғорурланабыҙ! Республика халҡынан Вәсил Ямалетдиновты ҡотлайым!"- тип яҙҙы республика Башлығы.

Фото: видеонан скриншот.

Автор:

Читайте нас