В. Путин МХО-ла ҡатнашыусыларҙы бүләкләү тураһында указға ҡул ҡуйҙы

Стәрлетамаҡ хәрбиҙәре Сергей Андреев һәм Миҙхәт Абдуллин юғары дәүләт наградаларына лайыҡ булды.

РФ президенты Сергей Андреевты «Батырлыҡ өсөн» миҙалы, Ә Миҙхәт Абдуллинды Суворов миҙалы менән бүләкләү тураһында указға ҡул ҡуйҙы.

Стәрлетамаҡ хакимиәте башлығы Эмиль Шәймәрҙәнов яугирҙарға наградаларҙы шәхсән үҙе тапшырҙы. Ул, алынған наградалар хәрби бурыстарҙы үтәү барышында уларҙың батырлығын, яуаплылығын һәм ҡаһарманлығын таныу булып тора, тип билдәләне.