Евразия фәнни үҙәгенең вуз-ара кампусында биотехнология лбораторияһы асылды

Вуз-ара студент кампусы базаһында«ИнноваБиоТех» уҡыу-ғилми биотехнологиялар лабораторияһы асылды. Уны «БашИнком» ғилми-ғәмәлгә индереү предприятиеһы булышлығында Өфө фән һәм технологиялар университетының Тәбиғәт һәм кеше институты ҡарамағында ойошторҙолар.

Лаборатория тикшеренеү базаһын үҫтереүҙә һәм юғары уҡыу йорттары менән бизнес араһында хеҙмәттәшлекте нығытыуҙа мөһим аҙым буласаҡ. Уның төп маҡсаты — биотехнологиялар өлкәһендә ғәмәли һәм фундаменталь тикшеренеүҙәр. Был йәшәү сифатын яҡшыртырға, ауыл хужалығын тотороҡло итергә һәм функциональ аҙыҡ-түлек булдырырға ярҙам итәсәк.

«ИнноваБиоТех» тәбиғәткә кире йоғонто яһауҙы кәметеү менән шөғөлләнәсәк. Төп йүнәлештәре пестицидтарҙы ҡулланыуҙы кәметеү өсөн биопрепараттар эшләү һәм ауыл хужалығы ҡалдыҡтарын биологик эшкәртеү. Эштең мөһим өлөшө - йәш ғалимдарҙы йәлеп итеү. Был төбәк экологияһын һаҡлап ҡалырға ғына ярҙам итмәй, ә буласаҡ белгестәрҙә заманса экологик мәҙәниәтте формалаштыра.

Уның асылыуын Башҡортостан тәбиғәттән файҙаланыу һәм экология министрлығының Тирә-яҡ мөхитте һаҡлау идаралығы начальнигы Рөстәм Кәримов ошондай аңлатма бирҙе.

Лаборатория шулай уҡ ауыл хужалығы өсөн микроорганизмдарҙың һөҙөмтәле штамдары коллекцияһын булдыра һәм тулыландырасаҡ. Был аҙыҡ-түлектә йод һәм цинк кеүек мөһим микроэлементтар миҡдарын арттырырға ярҙам итәсәк.

Мария Кузнецова, лаборатория етәксеһе, вуз-ара кампуста «ИнноваБиоТех» асыу мәғарифты, фәнде һәм иҡтисадты берләштерә, тип билдәләне. Был урын йәш ғалимдарҙы йәлеп итеү үҙәге буласаҡ һәм университеттың төбәктең инновацион үҙәге булараҡ позицияһын нығытасаҡ.

Өфө фән һәм технологиялар университетының ректоры һәм профессоры Вадим Захаров, «ИнноваБиоТех» университеттарҙың, фәндең һәм бизнестың уңышлы хеҙмәттәшлеге өлгөһө, тип һыҙыҡ өҫтөнә алды. Бында студенттар һәм йәш ғалимдар реаль мәсьәләләрҙе хәл итә, ғәмәли тикшеренеүҙәрҙә ҡатнаша һәм үҙ проекттарын башлай. Был кампустың республиканың фәнни-техник үҫеш үҙәге булараҡ ролен нығыта.