"Ауыл уҡытыусыһы" программаһы 2026 йылда миллиард һумдан ашыу аҡса аласаҡ

.2025 йылда илдең 79 төбәгендә 599 вакансия уңышлы ябылды — бөтә уҡытыусылар ҙа эшкә тотондо һәм тейешле түләүҙәр алды. Төбәк уңыштарына айырыуса иғтибар бүленә: Башҡортостанда программа 100 процентҡа тормошҡа ашырылған - планлаштырылған бөтә 11 вакансия ябылған, ә уҡытыусылар дөйөм алғанда 11 миллион һум алған. Был аҡсаны уҡытыусылар теләһә ниндәй ихтыяждарға, шул иҫәптән торлаҡ һатып алыуға йүнәлтә ала.

РФ Хөкүмәте рәйесе урынбаҫары Дмитрий Чернышенко уҡытыусыларға бәләкәй ҡалаларҙа һәм ауылдарҙа балаларҙы уҡытыуға индергән өлөшө өсөн рәхмәт әйтте, программаны тормошҡа ашырыуға 2026 йылда 1 миллиард һумдан ашыу аҡса һалынған, тип билдәләне.