Иң яҡшы шәхси торлаҡ йортҡа конкурс старт алды

Башҡортостанда ҡала округтарында, ҡала һәм ауыл биләмәләрендә йыл һайын үткәрелеүсе иң яҡшы шәхси торлаҡ йортҡа смотр-конкурс сиктәрендә заявкалар ҡабул ителә башланы. Ул «Йәшәү өсөн инфраструктура» милли проекты маҡсаттарына һәм бурыстарына ярашлы ойошторолған, тип хәбәр итә республиканың Төҙөлөш һәм архитектура министрлығы.

Сара шәхси торлаҡ төҙөлөшөн артабан үҫтереүгә булышлыҡ итеү, иң яҡшы тәжрибәләрҙе таратыу һәм экономиялы проекттар индереү маҡсатында үткәрелә. Конкурста Башҡортостан Республикаһының инвесторҙары, төҙөүселәре, төҙөлөш һәм проект ойошмалары, шулай уҡ муниципаль берәмектәре ҡатнаша.

"Йыл һайын компетентлы жюри шәхси йорттоң иң яҡшы проектын билдәләй. Был конкурс - ярыш ҡына түгел, ә илһам майҙансығы. Һәр участка - ул ғаилә тарихы, һәр ҡарар - уңайлы һәм заманса Башҡортостанға аҙым. Шәхси йорттар күршеләре өсөн өлгө булһын ине: ҡала һәм ауыл ерендә йәшәүселәргә  матур һәм  уңайлы», - ти Башҡортостандың төҙөлөш һәм архитектура вазифаһын башҡарыусы Артем Ковшов.

Яңыртылған милли проекттар Рәсәй Президенты Владимир Путиндың ҡарары буйынса 2025 йылдан тормошҡа ашырыла.