Башҡортостан уҡыусыларын һәм студенттарын «Йәшел зачет»та ҡатнашырға саҡыралар

Конкурста 8-11 класс уҡыусылары һәм юғары уҡыу йорттарының 1-2 курс студенттары ҡатнаша ала. Иң күп балл йыйған балалар икенсе, көндөҙгө этапҡа үтәсәк - ул 2026 йылдың февралендә буласаҡ.

Ҡатнашыусыларҙы биология, химия, география һәм экология буйынса уникаль мәсьәләләр көтә, уларҙы Серго Орджоникидзе исемендәге Рәсәй дәүләт геология-разведка университеты һәм Д.И.Менделеев исемендәге Рәсәй химия-технология университеты уҡытыусылары әҙерләгән. 

"Йәшел зачет" еңеүселәрен дә 2026 йылдың февралендә билдәләйәсәктәр. Улар Рәсәйҙең алдынғы юғары уҡыу йорттарына инеү өсөн өҫтәмә балл аласаҡ, ә уларҙың ҡаҙаныштары күренекле һәләттәрен күрһәткән кешеләр тураһында дәүләт ресурсына индереләсәк – был «Сириус» университеты программаларына, стажировкаларға һәм фәнни-белем биреү проекттарына инеү мөмкинлеген асасаҡ.

Заданиелар 2025 йылдың 15 декабренә тиклем конкурс сайтында бирелгән: https://vk.cc/cRqj9r