Ярмунса ауылында музей-тирмә асылды

Башҡортостанда Ярмунсы ауылында «Бишҡурай» музей-тирмәһе асылды. Этноюрта «Туризм һәм ҡунаҡсыллыҡ» милли проектының маҡсаттарына өлгәшеүҙә ярҙам итәсәк, ул тағы ла бер туристар йәлеп итеү урыны булды, тип хәбәр итә Туймазы районы хакимиәте.

Музейҙың биҙәлешен өйрәнеп, килеүселәр башҡорттарҙың йолалары һәм ғөрөф-ғәҙәттәре менән таныша аласаҡ. Ә QR-код аша үтеп, махсус эшләнгән «Бишҡурай»ҡушымтаһына эләгәсәк. Башҡорт телен өйрәнеү менән бер рәттән улар Башҡортостандың флораһы һәм фаунаһы, тәбиғәт ландшафты һәм башҡа бик күп ҡыҙыҡлы нәмәләр менән таныша аласаҡ.
Айнур Хәйбуллин, проект авторҙарының береһе.

Асыу көнөндә этнотирмәлә башҡорт теле уҡытыусылары өсөн беренсе сара — семинар үтте. Өфө Фән һәм технологиялар университетының башҡорт филологияһы факультеты доценты Айгөл Сәғитова Туймазы районында үткән йәйге практика йомғаҡтары тураһында һөйләне. Экспедицияла студенттар урындағы фольклорҙы һәм башҡорт һөйләшенең үҙенсәлектәрен өйрәнгән.

«Туризм һәм ҡунаҡсыллыҡ» милли проекты сиктәрендә инфраструктура үҫешә, ҡорамалдар етештерелә, тармаҡ өсөн белгестәр әҙерләнә һәм ил эсендә лә, унан ситтә лә туристик йүнәлештәрҙе алға этәрә. Туристар юғары сифатлы хеҙмәтләндереү һәм онотолмаҫ тәьҫораттар, ә бизнес дәүләт ярҙамы ала. Был сәйәхәттәрҙе уңайлы, хәүефһеҙ һәм мауыҡтырғыс итә.

2025 йылдан Президент Владимир Путин ҡарары буйынса яңыртылған милли проекттар тормошҡа ашырыла.

Фото: милли проекттар.рф

Автор:Равиля Бардыбаева

Читайте нас

Новости партнеров