Башҡортостанда 14 мең вакансия тәҡдим ителәсәк

Был инде өсөнсө йыл рәттән бөтә ил буйынса эш эҙләүселәрҙе һәм эш биреүселәрҙе берләштергән традицион ваҡиға. Йәрминкә тыуған төбәгендә һөнәри мөмкинлекте тормошҡа ашырыу өсөн вакансиялар һәм мөмкинлектәр парады булып тора. Апрелдә сараның төбәк этабы сиктәрендә ике меңдән ашыу кеше эш тапты.

Ленара Иванова, башҡортостандың ғаилә, хеҙмәт һәм халыҡты социаль яҡлау министры.

Йәрминкәлә 600 — гә яҡын компания - ҙур предприятиелар ҙа, бәләкәй фирмалар ҙа ҡатнашасаҡ. Килеүселәр өсөн иң популяр вакансиялар тәҡдим ителәсәк, предприятиеларға экскурсиялар ойоштороласаҡ, шулай уҡ оҫталыҡ дәрестәре һәм тренингтар кеүек уҡытыу саралары үтәсәк. Килеүселәр махсус тренажерҙар ярҙамында төрлө һөнәрҙәр менән таныша, карьера белгестәренән кәңәштәр ала, үҙ ынтылыштарын билдәләү өсөн тест һәм нейродиагностика үтә ала.

Сараның эшлекле программаһы сиктәрендә көнүҙәк темаларға арналған панель дискуссиялар һәм түңәрәк өҫтәлдәр планлаштырылған. Улар араһында:«Кеше капиталы компанияның үҫеш нигеҙе булараҡ», «Инклюзив хеҙмәт баҙарын булдырыу өсөн партнерлыҡ», «Студент отрядтарында субсидияланған һөнәри белем биреү», «Бизнес антропологияһы», «Команданың эмоциональ интеллекты һәм эшкә мотивацияһы».

Сарала ҡатнашыусылар заманса хеҙмәт баҙарын борсоған төп мәсьәләләрҙе тикшерәсәк.

Фото: Башҡортостандың Ғаилә, хеҙмәт һәм халыҡты социаль яҡлау министрлығы.