5 декабрь – Халыҡ-ара ирекмәндәр көнө

Бөгөнгө илдәге хәлдәр битараф булмағандарҙы тағы берләштерҙе. Беҙҙең райондың һәр ауылында кешеләр яугирҙарға ярҙам итеү өсөн берҙәм күтәрелде. Йылы кейемдәр бәйләүме, өйҙән төрлө күстәнәстәр әҙерләп ебәреүме, изге теләктәр менән хаттар юллаумы – барыһы ла йөрәктәр аша үткәреп әҙерләнә. Талбазыла һәм башҡа ауылдарҙа ла ҡатын-ҡыҙҙар маскировка селтәрҙәре бәйләй, ҡоро душ, шәмдәр әҙерләйҙәр. Был ярҙам баһалап бөткөһөҙ!

Изге эштәрегеҙ мотлаҡ рәхмәтле булһын. Үҙегеҙгә, ғаиләгеҙгә именлек, ныҡлы һаулыҡ, оҙон ғүмер, бәрәкәтле тормош теләйбеҙ! Һәр изге эшегеҙ меңләтә сауап булып ҡайтыр!