9-11 октябрҙә үтәсәк башҡорт теле буйынса онлайн-олимпиада үтәсәк

Олимпиада Башҡорт телен һаҡлау һәм үҫтереү ойошмаһы һәм «Мираҫ» йәштәрҙең башланғыстарына булышлыҡ итеү фонды тарафынан Башҡортостан башлығы грантына тормошҡа ашырыла.

Олимпиадала теләгән һәр кем ҡатнаша ала.
Ҡатнашыусылар өсөн төрлө кимәлдәге онлайн-тест һорауҙары әҙерләнгән:
 Башланғыс кимәл – башҡорт телен яңы өйрәнә башлағандар өсөн;
 Ирекле кимәл – башҡорт телендә иркен аралашҡан ҡатнашыусылар өсөн;
Башҡорт теленең диалекттары – башҡорт теленең диалекттары менән ҡыҙыҡһынған ҡатнашыусылар өсөн.

Тест һорауҙарына яуап биреү өсөн 9 октябрҙән 11 октябргә тиклем олимпиаданың сайтына инеп теркәлеү үтергә кәрәк. Артабан өс кимәлдең береһен һайлап, 45 минут эсендә 30 һорауға яуап бирергә генә ҡала. Тест тамамланғас, һәр ҡатнашыусыға йыйылған балдар һаны менән сертификат тапшырыла. Иң юғары балл – 100.

Олимпиада тамамланғандан һуң сайтта белемде үҙ аллы тикшереү өсөн һорауҙарға дөрөҫ яуаптар ҡуйыласаҡ.

Әгәр ҙә теркәлеү, тест үтеү йәки сертификат алыу, техник аспекттар буйынса ҡыйынлыҡтар тыуһа, +7(347) 246-58-24 телефон һандары буйынса мөрәжәғәт итергә мөмкин.