Һеләүһен балаһын күрмәнегеҙме?

Талбазы ауылының Маяковский һәм Азатлыҡ урамдарында йәшәүселәр яңғыҙ йөрөгән һеләүһен балаһын күҙәткән. Бәлки, ул инәһенән айырылып ҡалғандыр, хәлһеҙ күренә. Уның һәләк булыуы бар.

Мәғлүмәт Башҡортостан Экология министрлығының хайуандар донъяһын һаҡлау буйынса инспекторы Рәфил Ҡадировҡа еткерелгән.

Әгәр һеҙ ҡырағай хайуанды осратһағыҙ, Ғәҙәттән тыш хәлдәр министрлығына, 112 һандары буйынса хәбәр итегеҙ. Һеләүһенде тоторға һәм тәбиғәт һаҡлаусыларына тапшырырға кәрәк.