Башҡортостанда республика башлығын һайлауҙар бөгөн тамамлана

Төбәктә иртәнге сәғәт 8-ҙә һайлау участкалары йәнә ишектәрен асты. Улар  киске 20.00 cәғәткә тиклем эшләй.

7 сентябрҙә 20.00 сәғәткә билдәле булыуынса, ике көндә Ауырғазы районы халҡының 56 проценты тауыш биргән. Үҙәк һайлау комиссияһы йомғаҡтары буйынса, республика буйынса был һан 51 проценттан күберәк.

Районда 49 һайлау участкаһы комиссияһы эшләй. Өйҙә тауыш биреү өсөн көндөҙгө 14.00 сәғәткә тиклем участок комиссияһына тейешле ғаризаны бирергә йәки телдән мөрәжәғәт итергә була.

Иҫегеҙгә төшөрәбеҙ, республика башлығын һайлау 6 сентябрҙән 8 сентябргә тиклем дауам итә. Был көндәрҙә “Рәхмәт-2024” акцияһы бара. Һайлаусыларҙың фатир, автомобиль һәм башҡа ҡиммәтле бүләктәр отоу мөмкинлеге бар.