Район китапханаһында виртуаль донъяға ишек “асыҡ”

Ғ.Ибраһимов исемендәге Йәштәр уҡыу залында виртуаль майҙансыҡ асылды, ул килеүселәргә VR технологиялары аша төрлө мәҙәни һәм мәғариф контекстарына инеү мөмкинлеген бирә.

«Твоя библиотека VRеале» («Һинең китапханаң ысынбарлыҡта») -

беҙҙең үҙәк район китапханаһы проекты, Мәҙәни башланғыстар буйынса Президент фонды конкурсында еңеү яулай. Китапханалар системаһы директоры Айгөл Ғәзиева әйтеүенсә, райондың талантлы йәштәре араһында рәссамдар, ғәмәли-биҙәү сәнғәте оҫталарын, ижадсыларҙы асыҡларға ҙур ярҙам буласаҡ.

Шулай уҡ ауырғазыларҙа, йәштәрҙә лә, өлкәндәрҙә лә, виртуаль китап күргәҙмәләренә йөрөү, тарихи урындар буйлап сәйәхәт итеү, донъяның төрлө мөйөштәрендә виртуаль турҙар үткәреү мөмкинлеге барлыҡҡа килде. Бының өсөн VR-күҙлектәр ҡулланыласаҡ.

Проект сиктәрендә «Ауырғазы буйлап 360*» тыуған яҡты өйрәнеү экскурсиялары циклы ойоштороласаҡ. Шағирҙың Тыуған ауылы Солтанмораттағы Ғәлимйән Ибраһимов музейы буйлап беренсе 3D-экскурсия әҙер. Бабай-таш, Науым ауылында Еңеү паркы һәм башҡа ҡыҙыҡлы урындар менән танышырға мөмкин буласаҡ. Донъяла бик күп ҡыҙыҡлы һәм мәғлүмәтле нәмәләр бар. Ә виртуаль ысынбарлыҡ - ул танып белеүҙең һәм донъяға ҡарашты үҫтереүҙең яңы ысулы.