РЕСПУБЛИКА БАШЛЫҒЫ ҮҘ МӨРӘЖӘҒӘТНАМӘҺЕНДӘ НИНДӘЙ БУРЫСТАР БИЛДӘЛӘНЕ?

*Еңел сәнәғәткә, ағас эшкәртеү тармағына һәм халыҡ художество кәсептәренә ярҙам программалары дауам ителәсәк, ә уларҙы финанслау күләме  арттырыласаҡ.

*Инвалидтарҙы техник реабилитациялау сараларын һәм түмәр-солоҡ умартасылығын етештереүгә ярҙам итеү кеүек ике яңы программа эшләй башлаясаҡ.

*Киләһе йылда Өфө Рәсәй һәм Белоруссия төбәктәренең Х форумын уҙғара.

*Партнерлыҡ (ислам) финанслауы буйынса координация советы ойоштороласаҡ.

*Ауырғазы, Илеш, Дыуан, Йәрмәкәй райондарында яңы малсылыҡ майҙансыҡтары асыласаҡ.

 *Ауыл хужалығы тәғәйенләнешендәге бөтә ерҙәргә инвентаризация үткәреләсәк. 2024 йылда һәр гектар ер файҙаланыласаҡ.

*Ауыл урамдарын яҡтыртыу программаһы тергеҙелә, уға йылына 300 миллион һум самаһы йүнәлтеләсәк.

*«Алданған өлөшсөләр» проблемаһы 2023 йылдың аҙағына тиклем хәл ителәсәк.

 *«Торлаҡ һәм ҡала мөхите» милли проектының маҡсатлы күрһәткесе - йылына 4 миллион квадрат метр торлаҡ төҙөү - 2030 йылға үтәлергә тейеш.

*Республиканың барлыҡ проблемалы юлдарын ремонтлау графигы төҙөләсәк һәм баҫылып сығасаҡ.

*«Сибай-Аҡъяр» автомобиль юлын ремонтлау 2023 йылдың яҙында башлана һәм 2024 йылдың аҙағына тамамлана.

*Урындағы әһәмиәттәге автомобиль юлдарын төҙөүгә, реконструкциялауға һәм капиталь ремонтлауға өҫтәмә рәүештә 4 миллиард һум бүленәсәк.

* Һәр муниципаль район юлдарға ҡом һибеү өсөн 10 миллион һум аҡса аласаҡ.

* Алдағы ике йылда 140 мәктәп бинаһы ремонтланасаҡ, уларҙың күпселеге ауыл ерендә урынлашҡан. Бының өсөн 6,5 миллиард һум бүленгән. Бынан алдараҡ, икмәкле йылдарҙа мәктәптәрҙе ремонтлауға күп тигәндә 600 миллион һум бүленгәйне.

*Йәш ауыл уҡытыусыларына гранттар һаны 150-гә тиклем арттырыласаҡ.

*Өфөнөң яңы фән һәм технологиялар университеты 2030 йылға 50 меңгә тиклем студентты уҡытасаҡ, унда 3 мең самаһы уҡытыусы һәм ғалим эшләйәсәк, ә уның килемен йылына 12 миллиард һумға тиклем еткереү планлаштырыла.

*Евразия ғилми-белем биреү үҙәге Башҡортостан Башлығы хакимиәте менән берлектә 2030 йылға тиклем республиканың ғилми-технологик үҫеш программаһын әҙерләй.

*Халыҡ-ара студент кампусының тәүге объекты 2024 йылда асыла, ә проект тулыһынса 2026 йылда тормошҡа ашырыла.

 *Республика ғалимдарына грант ярҙамына Рәсәй Фәндәр академияһы Өфө федераль тикшеренеү үҙәгенең ғилми хеҙмәткәрҙәре индерелде.

*2023 йылда Республика балалар клиник дауаханаһының Балалар онкологияһы һәм гематологияһы үҙәге, шулай уҡ Мәсәғүт, Ҡырмыҫҡалы һәм Баймаҡта балалар поликлиникалары, Оло Ыҡтамаҡта дауахана асыласаҡ.

*Шишмә районында Күсмә цивилизациялар үҙәген ойоштороу буйынса эштәр башланасаҡ.

*«Башҡортостанда оҙон ғүмерлелек» проекты киңәйтелә һәм ике тапҡыр күберәк пенсионерҙы - 20 мең кешене - үҙ эсенә ала.

*Подъездарҙы төҙөкләндереү дауам итәсәк, программаға 700 миллион һум бүленгән.

* «Башҡорт ихаталары» программаһының бюджеты арттырыла.

*2023 йыл - Кесе Ватан өсөн файҙалы эштәр йылы

Сығанаҡ: https://www.bashkortostan.ru