Ауырғазы районы хакимиәте башлығы мобилизацияланған яҡташтарыбыҙ менән осрашты

Был турала ул үҙенең социаль селтәрҙәре аша уртаҡлашты.

 “Үҙебеҙҙең егеттәр менән осрашҡас, уларҙың тыуған еребеҙҙе һаҡларға әҙер булыуҙары өсөн ғорурлыҡ уянды. Яҡташтарыбыҙҙың рухтары күтәренке, үҙҙәре өсөн борсолмауҙарын еткерергә ҡуштылар, еңеү менән ҡайтырға вәғәҙә бирҙеләр. Хәрбиҙәр яҡшы шарттарҙа йәшәй, һәр көн тактик күнекмәләр үтәләр. Беҙ туғандарынан, яҡындарынан посылкалар тапшырҙыҡ, шулай уҡ йылы кейемдәр, ойоҡ-бирсәткәләр, аҙыҡ-түлек менән ярҙам иттек.

Һалдаттарға әйберҙәр тапшырып, уларҙы һөйөндөргән барса кешеләргә оло рәхмәттәрен белдерҙеләр, сәләмдәрен әйтеп ҡалдылар”, - тип яҙҙы Арыҫлан Нәзир улы.