«Транспорт һәм төҙөлөш» халыҡ-ара конгресында Белоруссиянан «Евровидение» конкурсанты сығыш яһаясаҡ

«Транспорт һәм төҙөлөш» халыҡ-ара конгресы күргәҙмәһендә 100-ҙән ашыу уникаль коммуналь һәм юл техникаһы, 80-гә яҡын ретро-автомобиль тәҡдим ителә. Өфөләр һәм республика халҡы «тәмле» фестивалдәрҙе яратып өлгөрҙө лә инде. Яңыраҡ ҡалала «Бар!» гастрономия байрамы үтте, унда 100 меңдән ашыу кеше ҡатнашты. Конгресс программаһында гастрофестиваль билдәләнгән, унда иң яҡшы ресторандар һәм дөйөм туҡланыу нөктәләре фестиваль ҡунаҡтарына һәм ҡатнашыусыларына ҡунаҡсыл Башҡортостандың аш-һыуҙары менән танышыу мөмкинлеге бирә!

Алдан хәбәр итеүебеҙсә, конгресҡа Белоруссиянан алты билдәле ижади коллектив ингән делегация килә. Конгрестың мәҙәни программаһында ҡатнашыусылар араһында:

• Алена Ланская - Беларусь Республикаһының атҡаҙанған артисы, «Славян баҙары-2011»-ҙә гран-при яулаусы, 2013 йылда Евровидениела Беларусь вәкиле;
• Ксения Галецкая - «Славян баҙары 2019» конкурсында - гран-при, «Sanremo Junior 2021» (Италия) - гран-при, 2022 йылда «Голос.Дети» финалисы, һәләтле йәштәргә ярҙам итеү буйынса Беларусь Республикаһы Президенты фонды лауреаты;
• Елисей Касич - «Славян баҙары 2022» балалар конкурсы - гран-при, «Голос.Дети» финалисы (Баста командаһы), һәләтле йәштәргә ярҙам итеү буйынса Беларусь Республикаһы Президенты фонды лауреаты;
• Иван Здонюк - «Славян баҙары 2019»-ҙың көмөш призёры, «Йылдың иң яҡшы йырсыһы» номинанты, танылған йырсы һәм композитор, һәләтле йәштәргә ярҙам итеү буйынса Беларусь Республикаһы Президенты фонды лауреаты.

Конгресс майҙансығының ҙур сәхнәһендә үтәсәк ҙур фестиваль программаһында Башҡортостандың иң яҡшы коллективтары ла ҡатнашасаҡ.

Күргәҙмәгә килеүселәр өсөн автобус маршруты һәм «Декатлон» магазины янында туҡталыш ойошторола, унда «Конгресс паркына» инеү урыны була.