Бөтә яңылыҡтар
Новости
13 Сентябрь , 22:22

«ТРАНСПОРТ ҺӘМ ТӨҘӨЛӨШ» ХАЛЫҠ-АРА КОНГРЕСЫНДА РӘСӘЙҘЕҢ ЭРЕ ТӨҘӨҮСЕЛӘРЕ САММИТЫ ҮТӘСӘК

Өфөлә 19, 20 һәм 21 сентябрҙә Рубежная урамы, 178-се йорт адресы буйынса Ворлдскилз чемпионаты майҙансығында үтәсәк «Транспорт һәм төҙөлөш» халыҡ-ара конгресына әҙерлек бара. Форумда меңгә яҡын кешенең ҡатнашыуы көтөлә, 30-ға яҡын профилле секцияның пленар ултырыштары уҙғарыла, яҡынса 10 миллиард һумлыҡ 10-ға яҡын килешеүгә ҡул ҡуйыу күҙаллана.

«ТРАНСПОРТ ҺӘМ ТӨҘӨЛӨШ» ХАЛЫҠ-АРА КОНГРЕСЫНДА РӘСӘЙҘЕҢ ЭРЕ ТӨҘӨҮСЕЛӘРЕ САММИТЫ ҮТӘСӘК
«ТРАНСПОРТ ҺӘМ ТӨҘӨЛӨШ» ХАЛЫҠ-АРА КОНГРЕСЫНДА РӘСӘЙҘЕҢ ЭРЕ ТӨҘӨҮСЕЛӘРЕ САММИТЫ ҮТӘСӘК

Башҡортостан Республикаһы Төҙөүселәр ассоциацияһы линияһы буйынса форумда БДБ илдәренең һәм, әлбиттә, Рәсәй төбәктәренең ошондай ассоциациялары вәкилдәре саммиты үткәреләсәк, тип һөйләне Башҡортостандың тышҡы иҡтисади бәйләнештәр һәм конгресс эшмәкәрлеге министры Маргарита Болычева.

Сарала РФ Төҙөлөш һәм торлаҡ-коммуналь хужалыҡ министрлығы, РФ Дәүләт Думаһы, РФ Хөкүмәте, БР Хөкүмәте вәкилдәре сығыш яһаясаҡ. Рәсәйҙең эре төҙөүселәре яңы ысынбарлыҡта күсемһеҙ милек баҙарын үҫтереү стратегияларын, Башҡортостандың күп ҡатлы төҙөлөшөнөң баҙар трендтарын, ҡануни үҙгәрештәрҙе һәм күсемһеҙ милек баҙарына дәүләт ярҙамы сараларын тикшерәсәк.

 Саммитта ҡатнашыусылар торлаҡ төҙөлөшө күләмдәрен тотҡарлау, торлаҡ объекттарының сифатын яҡшыртыу һәм граждандар өсөн торлаҡтың арзан булыуын тикшерәсәк.

Башҡортостан төҙөүсе компанияларынан Беренсе Трест, Жилстройинвест, ТАЛАН, Өсөнсө Трест, ПСК-6, СтройФедерация, Баҡса ҡулсаһы компаниялар төркөмө һәм башҡалар ҡатнаша.

(Башҡортостан матбуғатынан).

Автор:Равиля Бардыбаева
Читайте нас в