Башҡортостанда үтәсәк «Транспорт һәм төҙөлөш» халыҡ-ара конгресы тураһында биш ҡыҙыҡлы факт

1. Эре компанияларҙың министрҙары һәм топ-менеджерҙары киләсәк

Сараға бик күп юғары дәрәжәле һәм хөрмәтле кешеләр киләсәк. Беларусь Республикаһының рәсми делегацияһын илдең премьер-министры Роман Головченко етәкләй. Шулай уҡ Ҡаҙахстан, Үҙбәкстан, Төркиә һәм Иран вәкилдәренең ҡатнашыуы көтөлә.

Мәскәүҙән Өфөгә Рәсәйҙең төҙөлөш һәм торлаҡ-коммуналь хужалыҡ министры Ирек Фәйзуллин, транспорт министры Виталий Савельев, Федерация Советының Конституция ҡануниәте һәм дәүләт төҙөлөшө буйынса рәйесе Андрей Клишас, торлаҡ һәм юлдар төҙөлөшө менән бәйле эре дәүләт корпорациялары һәм система булдырыусы компаниялар етәкселәре килә.

Бер нисә көн дауамында улар һанлаштырыу мәсьәләләрен, импортты алмаштырыуҙы үҫтереү буйынса, көрсөккә ҡаршы аныҡ сараларҙы, яңы технологиялар ҡулланыуҙы, иҡтисадтың төп тармаҡтарына ярҙам программаларын тормошҡа ашырыуҙы тикшерәсәк.

2. Сара өс майҙансыҡта ойошторола

Төп программа Рубежная урамы, 178 адресы буйынса урынлашҡан «Киләсәк төҙөлөшө» паркы биләмәһендә ҡаралған. Был элекке «Касторама» магазины эргәһендәге ҙур майҙансыҡ, унда уҙған йыл йәй көнө WorldSkills Russia-2021милли финалы уҙҙы. Павильондарға машинала ла, йәмәғәт транспортында ла барып етергә мөмкин. Павильондарҙың эшләү ваҡыты һәм программа тураһында өҫтәмә хәбәр ителәсәк.

Икенсе туҡталыш - «Өфө-Арена» алдындағы майҙан. Бында «Иң яҡшы йөк машинаһы водителе» бөтә Рәсәй профессиональ оҫталыҡ конкурсы үтәсәк. Шулай уҡ шоу-программа әҙерләнә.

Конгресс Нефтекамала «НефАЗ» компанияһына 45 йыл тулыу уңайынан байрам саралары менән тамамланасаҡ.

3. Өфө халҡына вертолеттар, ретромобилдәр һәм квадрокоптерҙар күрһәтеләсәк.

Конгресс барышында халыҡ өсөн бик күп ҡыҙыҡлы һәм файҙалы саралар уҙғарыла.

- Унда барыһы ла 80 берәмек ретро автомобиль һәм мотоцикл, шул иҫәптән совет һәм сит ил техникаһының үҙенсәлекле өлгөләрен күрә аласаҡ.

- Урындағы төҙөүселәрҙең яңы проекттары менән таныштырыу. Экспозицияла девелоперҙарҙың стендтары буласаҡ, унда ташлама менән фатир һайларға һәм һатып алырға мөмкин буласаҡ.

- Рәсәй һәм Белоруссия компанияларының эре махсус техникалары күргәҙмәһе, шул иҫәптән квадроциклдар, квадрокоптерҙар һәм беҙҙең вертолеттар күрһәтеләсәк.

- Экспозицияларҙың береһендә асфальт-бетон заводының нисек төҙөлгәнен күрергә мөмкин.

- Гастрофестиваль.

- Байрам концерты.

4. ... һәм Өфөнөң 450 йыллығына нимә төҙөйҙәр

Күргәҙмәлә айырым павильон буласаҡ, унда өфөләр һәм баш ҡала ҡунаҡтары Өфөнөң 450 йыллығына нимә төҙөүҙәрен ҡарай аласаҡ. Хәтерегеҙгә төшөрәйек, улар - Дәүләт ҡурсаҡ театры, Көрәш һарайы, Фехтование үҙәге, Фән һәм мәҙәниәт һарайы һәм башҡа бик күп проекттар. Уларҙың ҡайһы берҙәрен тәүге тапҡыр тамашасы хөкөмөнә сығаралар.

Проекттарҙың бер өлөшөн төҙөйҙәр ҙә инде. Мәҫәлән, киләсәктә Көрәш һарайында (Муса Гәрәев, архитектор Рехмуков, Рудольф Нуриев һәм Комсомол урамдары кварталында) фундамент эштәре, шулай уҡ стеналарҙы бетонлау һәм арматуралау эштәре алып барыла. Комплекс күп функциялы спорт объекты буласаҡ. Бында һигеҙ спорт залы, шул иҫәптән трибуналы универсаль спорт-концерт, тренажер, ике келәмгә дүрт көрәш, дөйөм физик әҙерлек залдары, шулай уҡ медицина-тергеҙеү үҙәге, балалар-үҫмерҙәр спорт мәктәбе, ярыштарға килгән спортсылар өсөн ҡунаҡхана, ресторан, спорт барҙары һәм 25 метрлы бассейн менән фитнес үҙәге урынлашасаҡ.

5. Конгресс тураһында тулыраҡ ҡайҙан белергә була?

«Транспорт һәм төҙөлөш» халыҡ-ара конгресының рәсми сайты: -   https://ufa-congress.ru/

Сығанаҡ: “Башинформ” мәғлүмәт агенлығы.