АУЫЛ ХАЛҠЫ ЮЛДАРҘЫҢ ЯҢЫРЫУЫНА ҺӨЙӨНӘ

Юлдарҙың төҙөк булыуы һәр кеше өсөн дә уңайлы, шул уҡ ваҡытта хәүефһеҙ.

Талбазы ауылының Макаренко, Юламан ауылының Күл, Татар Нуғаҙағының Баҡса урамдарында ла халыҡ күптәр көткән ыңғай үҙгәрештәр булды.

Алдағы йылдарҙа юлдарҙы ҡом, ваҡ таш ҡатнашмаһы менән күтәрттеләр, тигеҙләнеләр. Быйыл иһә юл төҙөүселәр был урамдарҙа яңы асфальт түшәне. Эштәр республика һәм райондың юл фонды саралары иҫәбенә башҡарылды. Дөйөм 13 миллион һумдан артығыраҡ аҡса талап ителгән.

Районда юлдарҙы ремонтлау туҡтап торғаны юҡ. Эштәр бер нисә объектта алып барыла һәм райондың Юл төҙөү-ремонтлау идараһы хеҙмәткәрҙәре тырышлығы менән ваҡытынан алда ғәмәлгә индерелә.

Сығанаҡ: Ауырғазы районы хакимиәтенең мәғлүмәт бүлеге.