Унда эшкә һәләтле халыҡҡа ла, инвалидтарға ла юғары квалификациялы медицина һәм реабилитация ярҙамы күрһәтеләсәк.
Башҡортостандың Һаулыҡ һаҡлау министрлығы линияһы буйынса медицина ойошмалары, шул иҫәптән шифахана-курорт шарттарында өлкән йәштәге кешеләрҙе медицина реабилитацияһы ярҙамына йәлеп итеү дөйөм мохтаждар иҫәбенән 81 процент самаһы тәшкил итә. Был үҙен-үҙе хеҙмәтләндереү, көнкүреш, йәмәғәт, һөнәри һәм башҡа эшмәкәрлек һәләтен өлөшләтә йәки тулыһынса юғалтҡан өлкән йәштәге кешеләрҙең 19 проценттан ашыуы ошо ярҙамға ылыҡтырылмағанлыҡты аңлата, улар ойоштороласаҡ үҙәктә медицина-социаль реабилитация алыу мөмкинлегенә эйә буласаҡ.
- Проектты тормошҡа ашырыу 18 йәштән өлкән инвалидтарға реабилитация хеҙмәте алырға мөмкинлек бирәсәк һәм оло йәштәге инвалидтарҙың тормош сифатын яҡшыртыуҙа ҙур аҙым буласаҡ, - тип аңлата республиканың Ғаилә, хеҙмәт һәм халыҡты социаль яҡлау министры Ленара Иванова.
#Аңлатабыҙ_Башҡортостан