РӘМИ ҒАРИПОВТЫҢ ТЫУЫУЫНА 90 ЙЫЛ ТУЛЫУҒА АРНАЛҒАН КӨРӘШ ТУРНИРЫ ЛА ҺӨҘӨМТӘЛЕ БУЛДЫ

1-2 апрелдә Өфөлә, Рәми Ғарипов исемендәге 1-се Башҡорт республика гимназия-интернатында, көрәш буйынса XV республика турниры уҙҙы. Унда республикабыҙҙың ҡала һәм райондарынан 70-тән ашыу йәш көрәшсе ҡатнашты. 10 команда спортсылары иң көслөләр исеме өсөн көс һынашты.

Тренер - уҡытыусы Булат Мирғәли улы Ильясов етәкселегендә Ауырғазы районы Балалар-үҫмерҙәр спорт мәктәбе көрәшселәре йәнә юғары оҫталыҡ кимәлен раҫланы. Спортсыларыбыҙ почетлы призлы урындар яуланы:

30 килограмға тиклем беренсе урында – Дим Ғәлимов (Төрөмбәт мәктәбе)

45 килограмға тиклем ауырлыҡ категорияһында беренсе урын – Искәндәр Сатлыҡовта (Талбазы башҡорт гимназияһы)

60 килограмға тиклем беренсе урында Байрас Назаров (Талбазы башҡорт гимназияһы)

Ауырғазы районы командаһы 3-сө урын алды! Бөтә призерҙар ҙа грамоталар, миҙалдар һәм аҡсалата приздар менән бүләкләнде. Афариндар!