АФАРИН, АЛЬБИНА!

Талбазы мәҙәниәт һарайы хеҙмәткәре Альбина Йәлилова юғары исемгә лайыҡ булды Өфөлә «Торатау» конгресс-холында «АРТ-Ҡоролтай» мәҙәни форумы үтте. Пленар ултырышта Башҡортостан башлығы Радий Хәбиров сәнғәт һәм мәҙәниәт өлкәһендәге хеҙмәткәрҙәрҙе һөнәри байрамдары менән ҡотланы. Уларға дәүләт наградалары тапшырылды. Шуныһы һөйөнөслө: «Шатлыҡ» өлгөлө хореография ансамбле етәксеһе Альбина Йәлилова «Башҡортостан Республикаһының атҡаҙанған мәҙәниәт хеҙмәткәре» тигән юғары исемгә лайыҡ булды. Альбина Хәким ҡыҙын ошо айҡанлы ҡотлайбыҙ, киләсәктә лә ижади уңыштар юлдаш булһын, ғаилә именлеге, бәрәкәтле тормош, ныҡлы һаулыҡ теләйбеҙ!  

АФАРИН, АЛЬБИНА!