БАТЫРҘАР ЯРЫШТЫ

Ауырғазы Балалалар-йәшүҫмерҙәр спорт мәктәбендә Башҡортостан Республикаһы беренселегенә көрәш бәйгеһе үтте

Был бәйгегә 19 район һәм 5 ҡаланан 128 спортсы йыйылды. Улар 9 ауырлыҡ категорияһында көс һынашты.

Ауырғазы батырҙары һәр ярыштарҙа ла лайыҡлы сығыш яһай. Әлеге сарала ла улар һынатманы. Арыҫлан Исхаҡов, Эльвир Иҙрисов үҙ ауырлыҡ категорияларында еңеү яуланы һәм турнирҙың алтын миҙалдарына эйә булды. Улар көрәш буйынса Ҡазан ҡалаһында үтәсәк Рәсәй чемпионатында республика данын яҡлаясаҡ. Әйткәндәй, батырҙарҙың тренерҙары – Булат Ильясов.

Искәндәр Сатлыҡов һәм Нурислам Сатлыҡов 3-сө урынға сыҡты.
Йәш батырҙарға алдағы ярыштарҙа ла һынатмауҙарын, ә еңеүселәргә уңыштар теләйбеҙ! Афарин, егеттәр!