УҠЫТЫУСЫЛАР ЯРЫШТЫ

Бөгөн Ауырғазы район профсоюздар ойошмаһы менән мәғариф бүлеге берлектә райондың белем биреү ойошмалары хеҙмәткәрҙәре араһында волейбол ярышы үткәрҙе.

Ярышта Талбазы лицейы, 2-се һәм 3-сө мәктәп, Яңы Федоровка, Мәсәйле, Шланлы, Сәмән, Сыуаш Ҡарамалыһы мәктәптәре коллективтары ҡатнашты.

Командалар көслө булды, һәр береһе сәмләнеп ярышты.

Һөҙөмтәлә Сыуаш Ҡарамалыһы мәктәбе 1-се урын, Талбазы лицейы 2-се, Төрөмбәт мәктәбе коллективы 3-сө урынға сыҡты.

Спорт сараһында ҡатнашыусыларҙың барыһына ла грамота һәм Рәхмәт хаттары тапшырылды.