Ҡояшлы урамы асфальттан тағы ла “ҡояшлыраҡ” булып китте

Талбазы ауылының Ҡояшлы урамында йәшәүселәр ҙә был хәлде көтөп алды. Ауырғазы юл төҙөүселәре был урамда асфальт түшәүҙе тамамланы.

Элек ҡом-таш түшәлгән урам хәҙер көҙгөләй ялтырап ята. Хәҙер юл ситтәрен нығытыу, тейешле юл билдәләрен ҡуйыу эше ҡалды.

Әлбиттә, юлдарҙы ремонтлау күп сығым талап итә. Республика һәм район юл фонды иҫәбенә башҡарылған эш 8 миллион һумдан артығыраҡҡа төштө.