ТАЛБАЗЫНЫҢ ТАҒЫ БЕР УРАМЫНДА АСФАЛЬТ БУЛАСАҠ

Бөгөн был урам шау-гөр килеп тора, асфальт түшәүҙә ҡатнашыусы техника геүләп эшләй, юл төҙөүселәр эштәре менән мәшғүл. Тик Ҡояшлыла йәшәүселәр был мәшәҡәткә шат ҡына. Сөнки улар ҡом-таш түшәлгән юлдың асфальт өҫлөклө булыуын күптән көтә.

Ауырғазы юл төҙөү-ремонтлау идараһы эшселәре тиҙҙән Ҡояшлы урамында йәшәүселәрҙе тигеҙ асфальтлы урам эшләп шатландырасаҡ.

Ауырғазы район хакимиәте мәғлүмәттәре буйынса, был эш республика һәм райондың юл фонды сараларын ҡулланып башҡарыла. Был эштәр өсөн 8 миллион һумдан артығыраҡ аҡса сарыф ителәсәк.

Ҡояшлы урамында эш тамамланғас, ойошма Төньяҡ микрорайондың Сабитов-Логачев-Вәлитов урамы сатында асфальт түшәй башлаясаҡ.

Ауырғазы районы хакимиәте сайты мәғлүмәте буйынса әҙерләнде