IX «ЙӘШ ПРОФЕССИОНАЛДАР» (WORLDSKILLS RUSSIA) МИЛЛИ ЧЕМПИОНАТЫ МЕНӘН НИСЕК ҺӨНӘР ҺАЙЛАРҒА?

Ярыштың төп майҙансығы булып Рубеж урамындағы «Йәш профессионалдар паркы» һайланған. 26-28 августа сараның эшлекле программаһы «Торатау» конгресс-холында үтәсәк.

Өфөгә бөтәһе 1800 конкурсанттар киләсәк, шуларҙың 600-ө юниорҙар. Эксперт берләшмәһендә 2000 самаһы кеше. Чемпионатта Рәсәйҙең 76 төбәгенән командалар ҡатнашасаҡ. Башҡортостан Республикаһының йыйылма командаһында 498 кеше — 280 конкурсант,  218 эксперт. Төбәк 103 компетенция буйынса ярышасаҡ.

Һәр кем үҙенең әүҙемлеген try-a-skill («үҙеңде һөнәрҙә һынап ҡара») форматында һынап ҡарай ала. Парк территорияһында балалар өсөн зона эшләй, унда төрлө йәштәге мәктәп уҡыусылары менән тәжрибәле остаздар һөнәр йүнәлеше буйынса ярҙам күрһәтәсәк.

26, 27 һәм 28 августа теләүселәр өсөн «Йәш профессионалдар парк»ына инеү ирекле.

«Йәш профессионалдар» (WorldSkills Russia) милли чемпионатының финалы — Рәсәйҙә WorldSkills стандарттары буйынса урта профессиональ һәм юғары уҡыу йорттарының 16-25 йәшлек студенттары араһында һөнәри оҫталыҡ буйынса иң күләмле ярыш. WorldSkills Russia Juniors 16 йәшкә тиклемге уҡыусыларҙы берләштерә.