Рух
+19 °С
Болотло
Бөтә яңылыҡтар
Новости
22 Март 2021, 16:05

АВТОҺӘҮӘҪКӘРҘӘР, ШТРАФЫҒЫҘ ЮҠМЫ?

«Башинформ» мәғлүмәт агентлығы хәбәр итеүенсә, Башҡортостанда «Бурыслы» операцияһы бара.

Юл-патруль хеҙмәте инспекторҙары юл хәрәкәте ҡағиҙәләрен боҙоусыларҙы туҡтата, уны мәғлүмәттәр базаһы буйынса тикшерә. Әгәр уның түләнмәгән штрафы булыуы асыҡланһа, административ материал төҙөлә. Судта ғәйеплене 15 тәүлеккә тиклем административ ҡулға алырға хоҡуҡлылар.
Башҡортостан Республикаһы Юл хәрәкәте хәүефһеҙлеге дәүләт инспекцияһының матбуғат хеҙмәтенә мәғлүмәте буйынса, йыл башынан Дәүләт автоинспекцияһы ошо статья буйынса 2,5 меңгә яҡын кешене яуаплылыҡҡа тарттырған.
Махсус операция 22 марттан ай аҙағына тиклем барасаҡ.

Белеүегеҙсә, штраф ҡарар законлы көсөнә ингәндән алып 60 көн эсендә түләнергә тейеш. Түләнмәгән осраҡта ул икеләтә арта. Шулай уҡ водителдәрҙе 15 тәүлеккә ҡулға алыу мөмкинлеге лә бар. Ә штрафты 20 көн эсендә түләгән осраҡта, сумманың 50 процентын ғына түләргә була.

Читайте нас: