Рух
+16 °С
Болотло
Бөтә яңылыҡтар
Новости
19 Март 2021, 12:06

ТАБИПҠА ЯҘЫЛЫУ ӨСӨН БЕРҘӘМ ТЕЛЕФОН ҮҘГӘРӘ

«Башинформ» мәғлүмәт агентлығы хәбәр итеүенсә, 1 апрелдән Башҡортостанда табипҡа яҙылыу өсөн берҙәм телефон һандары үҙгәрә.

1 апрелдән Башҡортостан Республикаһы Һаулыҡ һаҡлау министрлығының Бәйләнеш үҙәгендә быға тиклем булған 1301 телефоны 122-гә үҙгәртелә.

Ведомствоның матбуғат хеҙмәте хәбәр итеүенсә, Башҡортостан - 1301 берҙәм номеры яҡшы эшләп килгән Рәсәйҙәге берҙән-бер төбәк. Ҡағиҙә булараҡ, көтөү ваҡыты бер минуттан артмай, ҡыҫҡа һанға килгән шылтыратыуҙар тарифҡа ярашлы.
Иртәнге сәғәт 8-ҙән киске 19.00 сәғәткә тиклем табипҡа ҡабул итеүгә яҙылырға, өйгә саҡырырға, вакцинацияға яҙылырға мөмкин.

Шуны ла әйтеп үтергә кәрәк: республика халҡына белгестәргә регистратура аша, табипта булған ваҡытта, мәғлүмәт киоскылары аша, телефон йәки интернет аша яҙылырға ла була.
Читайте нас: