+32 °С
Ясно
Новости
16 Марта 2021, 14:57
Башҡортостандың Йәмәғәт палатаһы «Аталыҡ даны» конкурсында ҡатнашырға саҡыра
Башҡортостан Республикаһы Йәмәғәт палатаһы ойошторған сара икенсе тапҡыр уҙасаҡ. 2020 йылда үткән тәүге "Аталыҡ даны" конкурсында республиканан бөтәһе 106 кеше ҡатнашҡайны. 27 атай "Аталыҡ даны" миҙалы менән бүләкләнде. Улар араһында ете ауырғазылы ла бар ине.
Быйылғы конкурсҡа документтарҙы 15 апрелгә тиклем Башҡортостан Республикаһы Йәмәғәт палатаһына oprb2011@mail.ru электрон адресы буйынса "Аталыҡ даны" ("Отцовская доблесть") тигән яҙыу менән ебәрергә кәрәк. Иң лайыҡлылар 20 июндә - Рәсәйҙә билдәләнәсәк Атайҙар көнөндә бүләкләнәсәк. Был конкурс тураһында тулы мәғлүмәтте уның Положениеһында https://op.bashkortostan.ru/documents/active/341681/ уҡығыҙ.
«Аталыҡ даны» балалар тәрбиәләүсе атайҙарҙы хөрмәтләү, уларҙың ролен йәмғиәт алдында күрһәтеү, мораль яҡтан ярҙам итеү өсөн бирелә. Наградаға сәләмәт йәшәү рәүеше алып барған, ғаилә ҡиммәттәрен һәм традицияларын һаҡлауға һәм үҫтереүгә шарттар тыуҙыра алған, йәмәғәт эштәрендә әүҙем булған аталар лайыҡ.
Был награданы алыуға шулай уҡ балалары Ватанды һаҡлағанда һәләк булған йәки хәбәрһеҙ юғалған, хеҙмәт йәки гражданлыҡ бурысын үтәгәндә, яраланыу, контузия алыу сәбәпле вафат булған, күрһәтелгән шарттарҙа ғәрипләнгән йә ауырығу ҡалған, хеҙмәт урынында ғәрипләнгән йәки һөнәри сиргә дусар булғандары ла иҫәпкә алына.
