СПОРТТА - СИРАТТАҒЫ ЕҢЕҮҘӘР .

6 мартта Благовещен ҡалаһында "Контакт" спорт клубы кубогы”на республика ярыштары ойошторолдо. Унда балалар, йәшүҫмерҙәр, ҡыҙҙар, егеттәр араһында ката, кумитэ төрҙәре буйынса бәйге булды.

Ярыштарҙа Башҡортостан Республикаһынан, Силәбе өлкәһенән командалар ҡатнашты.

Ауырғазы районы Талбазы ауылынан "Самурай" клубының 6 ағзаһы төрлө дәрәжә еңеүҙәр яуланы.
Тимур Ҡурамшин, Дарья Платонова, Айнур Рамазанов 1-се урындарға сыҡты.
Айнур 16 - 17 йәшлектәр араһында 65 кг ауырлығы менән 75, 79 кг ауырлыҡтағы егеттәрҙе алға сығарманы.
Эльвира Рахманбердыева, Алмаз Сәйфутдинов - 2-се, Батырхан Ғайсин өсөнсө урынды алды.

Йәш спортсыларҙың етәксеһе, тренер Фәһим Ғайсин үҙенең Бәйләнештәге шәхси аккаунтында ярышта ҡатнашыуҙа ярҙамдары өсөн ата-әсәләргә, шулай уҡ ойоштороусыларға рәхмәтен белдерә.

Фотолар: Ф.Ғайсин.