Рух
+19 °С
Ясна
Бөтә яңылыҡтар
Новости
5 Март 2021, 01:12

ӨФӨ ТУРАҺЫНДА ФИЛЬМ БУЛАСАҠ

Башҡортостанда Өфө тураһында документаль фильм төшөрөү өҫтөндә эш башланды, тип хәбәр итте «Башинформ».

Был проект Рәсәй президентының граждандар йәмғиәтен үҫтереү өсөн бирелгән грантына эйә булды.
Проект авторы, журналист Артем Вәлиев әйтеүенсә, фильмды төшөрөү өҫтөндә эшләгән төркөм һуғыш ваҡыты менән бәйле бер нисә урында булған. Улар фильмды төшөрөү өсөн ҡулайлы урын һайлай.
Ижади бригада «Башинформсвязь» компанияһы, «Рәсәй почтаһы», УМПО музейҙарында, Кушнаренколағы Коммунистик интернационал музейында булды.

Фильм 2021 йылда төшөрөлөргә тейеш. Уны кинотеатрҙарҙа, интернетта күрһәтәсәктәр. Проект авторы йәштәр аудиторияһына ауыр һуғыш йылдары тураһында мауыҡтырғыс итеп һөйләү маҡсатын ҡуйған.

Белеүегеҙсә, 2020 йылда Өфө «Хеҙмәт батырлығы һым даны ҡалаһы» исеменә лайыҡ булды. Ошо көндәрҙә иҫтәлекле стеланы Беренсе Май урамындағы аллеяға, Еңеү паркына ингән урынға ҡаршы ҡуйырға ҡарар ителде.

«Башинформ» мәғлүмәттәре буйынса.
Читайте нас: