Радий Хәбиров юғары әҙерлек режимы тураһындағы указға үҙгәрештәр индерҙе

Документтың әлеге редакцияһына ярашлы кинотеатрҙар, театр-концерт ойошмалары, мәҙәниәт йорттарында залдарҙың һыйҙырышлығы 85 проценттан артыҡ тулмаҫҡа тейеш һәм санитар-эпидемиологик талаптар ҡәтғи үтәлгән шарттарҙа ғына эшләй ала.

Төнгө клубтар (дискотекалар) һәм шуға оҡшаша башҡа объекттар шулай уҡ санитар нормаларҙы ҡәтғи үтәгәндә, килеүселәр 85 проценттан күп булмағанда эшләй ала.

Премьер-Лига, Континенталь хоккей лигаһы клубтары араһында футбол буйынса Рәсәй Чемпионаты, профессиональ спорт командалары матчтарын, башҡа ярыштар һәм саралар үткәргәндә трибуналар 85 проценттан артыҡ тулмаҫҡа тейеш.

Шул уҡ ваҡытта ҡатнашыусылар 200-ҙән күберәк булғанда эшлекле, күңел асыу, спорт сараларын үткәрмәҫкә, ә мөмкин булмағанда – ваҡытын күсерергә тәҡдим ителә.