Бөтә яңылыҡтар
Новости
25 Февраль 2021, 20:32

Балалы ғаиләләр өсөн льготалы ипотека ставкалары тураһында

Рәсәйҙә ике һәм унан күберәк балалы ғаиләләр өсөн льготалы ипотека ставкаларының түбәнәйеүе ихтимал.

«Башинформ» мәғлүмәт агентлығы был хаҡта мәғлүмәт Кремль сайтында баҫылғанлығын белдерә.
Президент Владимир Путин хөкүмәткә һәм Үҙәк банкка 2021-2024 йылдарҙа льготалы ипотека программаларын ғәмәлгә ашырыу тәҡдимдәрен тапшырырға ҡушҡан.

Шулай уҡ ике һәм унан күберәк балалы ғаиләләргә ипотека ставкаһын түбәнәйтеү тураһында мәсьәләне ҡарау бурысын йөкмәтелгән.

Хөкүмәткә һәм Үҙәк банкка тәҡдимдәр тапшырыу хаҡында бойороҡто 31 мартҡа тиклем үтәргә тейештәр.

«Башинформ» мәғлүмәт агентлығы материалы буйынса.

Фото: асыҡ сығанаҡтарҙан.
Читайте нас в