Был аҙнала һауа торошо

Иң һыуыҡ көндәр аҙнаның беренсе яртыһында буласағын белдергәйнеләр. Ысынлап та, фараздар дөрөҫләнде, йылы көндәрҙән һуң һыуыҡ тағы ла нығыраҡ тойола.

Дүшәмбенән шаршамбыға тиклем көндөҙ термометрҙарҙа -19 –ҙан — 22 градусҡа тиклем күрһәтәсәк, ә төндәрен - 22-28-гә тиклем түбән төшә. Бының өҫтәүенә, һыуыҡтарға секундына 11 метрға еткән тиҙлектәге көслө ел өҫтәлә.

Ә инде кесаҙнанан йылыта. 11-12 февралядә көндөҙгө сәғәттәрҙә Өфөлә -10 тирәһе, көслө ҡар яуыуы көтөлә. Илдең Европа өлөшөнән килгән йылы һауа ағымы ялға табан көндәрҙең тағы ла йылыныуына сәбәп буласаҡ. Йәкшәмбе, 14 февраль башҡалала минус 2 градус булыуы көтөлә.