Балалар өсөн уйын майҙансығы асылды

Мәктәп менән клуб араһында урынлашҡан майҙансыҡ өсөн аҡсаны урындағы бюджеттан бүлгәндәр. Хәҙер инде балалар саф һауала рәхәтләнеп төрлө уйындар уйнай ала.

Бында ауылдыҡылар ҙа, олатай-өләсәһенә ҡунаҡҡа ҡайтҡан балалар ҙа килә. Улар был йыһазландырылған урында йүгерә, һикерә, әйләнә. Ата-әсәләр ҙә сабыйҙарының ҡайҙа икәнен белеп тора.