Башҡортостанда ҡар яуасаҡ һәм томан буласаҡ

Башҡортостанда ҡар яуасаҡ һәм томан буласаҡ

Башҡортостан гидрометеорология үҙәге республикала йәшәүселәрҙе һауа шарттарының боҙолоуы тураһында иҫкәртә.

Бөгөн республикаға иртән боҙлауыҡ һәм томан булды. Шулай уҡ ҡар ҡатыш ямғыр һәм көньяҡ-көнбайыштан уртаса тиҙлектәге ел вәғәҙә итәләр, көндөҙ һауа температураһы +1 градусҡа етәсәк.

Ә дүшәмбе, 20 ғинуар, бер аҙ ҡар яуасаҡ, юлдарҙа боҙлауыҡ. Көньяҡ-көнбайыш еленә уртаса тиҙлектәге көнбайыштан ел дә ҡушыласаҡ. Төнөн бер аҙ һыуыта: -2,-7 градус (аяҙытҡанда -15-кә тиклем), ә көндөҙ 0-дән -5-кә тиклем.

21 ғинуарҙа (шишәмбе) синоптиктар һауа торошоноң әллә ни үҙгәрмәйәсәген хәбәр итә. Тик бер аҙ һыуыта: төнөн -3, -8, айырым райондарҙа -15, көндөҙ яҡынса -1, -6 градус.

Тик юлдарҙа хәлдәр ҡатмарлаша, сөнки ҡар яуыуы, һырынты, көрт, боҙлауыҡ булыуы көтөлә.

https://bash.news/ материалдары буйынса.

Фото: needpix.com